وصف الجلسة

الانسان الي تعود ع تحمل المسؤولية بطريقة مبالغه بدون وعي منه حيتحمل مسؤوليات تفوق قدراته واحيانا لاتخصه وهالشي بستنزفه طاقيا وماديا وبخليه يخفق تجاه مسؤولياته الحقيقيه الي المهم يلتفت لالها ويعمل الي عليه تجاهها ... غير انه ماحيحس بالامان ليفوض لغيره مهام ممكن يأديها بطريقة افضل منه لانه ماعنده ثقة بحدا الا نفسه وقديه هالشي حيفوت عليه نقلات وفرص وتطور واستخدام للتسخير الالهي الي منح لاله ... والاهم انه هالانسان غالبا ماحيقدر يعيش التوكل لانه محمل حاله كل المسؤوليه ومحروم من الشعور انه في حد اقدر منه ممكن يتوكل عليه ... وعالنقيض المتواكل او الاتكالي او الي بحب اسميه العالة والضحية هو حرم نفسه من قوته وقدراته عالتغيير والتطور والتحسن لانه بيعتقد انه الحياة مش ملكه وهو غير مسؤول عن حياته او تغييرها او تطورها عايش بفكر انه هيك مقدرله وهاد نصيبه ومصيره فاقد للشغف وللروح وعايش بيأس واستسلام من العمق وتارك الحياة وغيره يخلقوله مصيره بناء على نواياهم او ماضيه وصدماته وافكاره السودداوية الي اكتسبها خلال حياته وتجاربه او محيطه واجداده ... لهيك بحياته ماحيقدر يتوكل لانه لم يلمس هالحال وماعمره عاشه ولا عم يأدي الي عليه في شي بالعمق يفتقده وحتى لو قال اني توكلت حيكون كلام بلا احساس ولا تصديق ولا اثر بعمل اواخذ باسباب او خطوات للتغيير لانه بحياته ماعاش هالشعور ولا بيمتلك الايمان ولا العزيمة الي محتاجة قوة وطاقه وتركيز ووضوح ... للي حابب يتعمق اكتر ويعيش مسؤولياته بتوازن ويرتب حياته ويلتزم تجاه ماوكل به في هالحياة لانه اكيد انت مو عايش هالحياة هيك في الك دور ومهام ووكلت بمسؤوليات معينه لكن الاغلب اما لايعرفها او لايمتلك الطاقة والوقود على اداءها لاسباب كتيرة او فاقد للايمان والقدرة عالتسليم او تجاوز حدود مسؤولياته ... فلو حبيت تنور المسؤولية وتعيش نور التوكل هاللقاء جدا حيلهمك ... وحياتك بعده حتاخد منحى مختلف تماما